LIVE

LVMH-ის კაპიტალიზაციამ $400 მილიარდს მიაღწია

17 იან 202318:30
3 წუთის საკითხავი
clock clock 350
LVMH-ის კაპიტალიზაციამ $400 მილიარდს მიაღწია

LVMH-ის აქციების ფასი დღეს ახალ რეკორდულ დონემდე გაიზარდა, შედეგად, Reuters-ის გათვლებით, ფუფუნების საქონლის ჯგუფის საბაზრო კაპიტალიზაციამ პირველად 400 მილიარდ ევროს გადააჭარბა და ევროპაში ყველაზე ძვირადღირებული კომპანიის სტატუსი განიმტკიცა.

სხვა ძვირადღირებული კომპანიების მსგავსად, LVMH-მაც ისარგებლა წელს მსოფლიოს სიდიდით მეორე ეკონომიკის - ჩინეთის სწრაფი გახსნით. თუმცა, ზოგიერთი ანალიტიკოსი ვარაუდობს, რომ აქციების შემდეგი მატება შეიძლება შენელდეს. 

აქციების ფასი დღეს 0,4%-მდე გაიზარდა და რეკორდულ მაჩვენებელს - 795,7 ევროს მიაღწია.

ამ თვის დასაწყისში, LVMH-ის თავმჯდომარემ და აღმასრულებელმა დირექტორმა ბერნარ არნომ ჯგუფში მნიშვნელოვანი საკადრო ცვლილებები გაატარა. LVMH-ის მეორე უმსხვილესი ბრენდის, Dior-ის გენერალურ დირექტორად შვილი, დელფინ არნო დანიშნა. იმავე დღეს Dior-ის აღმასრულებელი დირექტორი პიეტრო ბეკარი დააწინაურა და Louis Vuitton-ის, LVMH-ის უმსხვილესი ბრენდის აღმასრულებელ დირექტორად გადაიყვანა. 

ფრანგული ფუფუნების ბრენდის, LVMH-ის ხელმძღვანელი ბერნარ არნო ამჟამად $186 მილიარდს ფლობს და მსოფლიოში ყველაზე მდიდარი ადამიანია. მან პირველობა ილონ მასკს გასულ თვეში ჩამოართვა.