Semeto-მ Signify-ის ელექტრონული ხელმოწერის ფუნქციონალი დააინტეგრირა

ბიზნესის მართვის ციფრულმა პლატფორმა Semeto-მ დოკუმენტების მართვის მოდულში Signify-ის ელექტრონული ხელმოწერის ფუნქციონალი დაამატა. ინტეგრაციის მიზანი საერთო მომხმარებლებისთვის სამუშაო პროცესების გამარტივება და დოკუმენტების მართვის პროცესის ერთიან სამუშაო სივრცეში მოქცევაა.

Semeto-სა და Signify-ს ბევრი საერთო მომხმარებელი ჰყავს. სწორედ მათი საჭიროებების გათვალისწინებით, Semeto-ს დოკუმენტების მოდულში Signify-ის ელექტრონული ხელმოწერის ფუნქციონალი დაემატა. შედეგად, მომხმარებლებს შეუძლიათ, დოკუმენტი Semeto-ში შექმნან და დააგენერირონ, შემდეგ კი ხელმოწერის პროცესი იმავე სივრციდან გააგრძელონ.

ინტეგრაცია ხელმისაწვდომია Semeto-ს HR პლატფორმაში, Self.HR-ში, სადაც თანამშრომელთან დაკავშირებული პროცესების სრული ციკლი იმართება. მომხმარებლებს შეუძლიათ, ერთიან სამუშაო სივრცეში დააგენერირონ შრომითი ხელშეკრულებები, ბრძანებები, დამატებითი შეთანხმებები, დანიშვნისა და გათავისუფლების დოკუმენტები თუ სხვა ტიპის დოკუმენტაცია. დოკუმენტის ერთი კლიკით გენერირების შემდეგ, Signify-ის მომხმარებლებს შესაძლებლობა აქვთ, ხელმოწერის პროცესი პირდაპირ Semeto-დან გააგრძელონ.

ჩვენთვის მნიშვნელოვანია, მომხმარებლებს საჭირო ფუნქციონალი იქვე შევთავაზოთ, სადაც ყოველდღიურად მუშაობენ და სხვადასხვა სისტემაში პროცესების გაგრძელება ზედმეტად არ გავურთულოთ“, - აღნიშნავს მარი ნებაძე, Semeto-ს დირექტორის მოადგილე.

Signify-ის ფუნქციონალის ინტეგრაცია ამცირებს სხვადასხვა სისტემას შორის გადართვისა და ზედმეტი მოქმედებების საჭიროებას. ეს განსაკუთრებით მნიშვნელოვანია HR პროცესებში, სადაც თანამშრომლის სამუშაო გამოცდილების სხვადასხვა ეტაპზე არაერთი დოკუმენტის მომზადება და ხელმოწერაა საჭირო. შედეგად, კომპანიებს შეუძლიათ, დოკუმენტებთან დაკავშირებული პროცესები უფრო თანმიმდევრულად და კომფორტულად მართონ.

Semeto ბიზნესის მართვის ციფრული პლატფორმაა, რომელიც ერთ სივრცეში აერთიანებს HR მართვას, სახელფასო პროცესებს, დოკუმენტბრუნვას, რეკრუტინგს, გუნდურ კომუნიკაციასა და სხვა ბიზნესისთვის საჭირო ფუნქციონალს. მისი ერთ-ერთი პროდუქტია Self.HR - HR პროცესების მართვის სისტემა.

Signify დოკუმენტების მართვის ციფრული პლატფორმაა, რომლის საშუალებითაც კომპანიები ყოველთვიურად 1.5 მილიონამდე იურიდიულ დოკუმენტს აგენერირებენ და მართავენ.