ლონდონის საფონდო ბირჟაზე რუსული კომპანიების აქციების კოლაფსმა 50% შეადგინა.
წამყვანი კომპანიების აქციების ფასის კლება შემდეგია:
- Novatek -54%;
- Rosneft -45,5%;
- X5 Group -36,3%;
- Surgutneftegaz -19%;
- Evraz -18%;
- Polyus -17%.
რუსეთის სახელმწიფო ბანკის, Sberbank-ის აქციების ფასი 75%-ით დაეცა და $1-ის ფარგლებში ივაჭრება, რაც აქამდე ყველაზე დაბალი დონეა. მნიშვნელოვნადაა შემცირებული რუსეთის ენერგეტიკული გიგანტის Gazprom-ის აქციების ფასიც, კლება 50%-ზე მეტია და კომპანიის 1 აქცია ლონდონის ბირჟაზე 2.65 დოლარად ივაჭრება.
რუსული კომპანიების ფასიანი ქაღალდების გაუფასურება რუსეთის სახელმწიფო და კერძო ბანკებისთვის დასავლეთის მიერ დაწესებულმა სანქციებმა განაპირობა.
მკვეთრად გაუფასურდა რუსული რუბლი. რუბლი დოლართან დაახლოებით 30%-ით გაუფასურდა.
შეგახსნებთ, აშშ და ევროკავშირი ზოგიერთი რუსული ბანკის SWIFT-ის სისტემიდან გათიშვასა და ცენტრალური ბანკის რეზერვების გაყინვაზე შეთანხმდნენ. ამასთან, ევროპის უმეტესმა ნაწილმა რუსული გადამზიდებისთვის საჰაერო სივრცე ჩაკეტა, რამაც შესაძლოა ქვეყანაში ფულის ფიზიკურად ტრანსპორტირება გაართულოს.