"სურსათისა და წამლების ადმინისტრაცია (FDA) მზად არის შეაჩეროს Covid-19-ის სამკურნალო ორი წამლის გამოყენება. ამის შესახებ Bloomberg-ი საკუთარ წყაროზე დაყრდნობით წერს.
რესპონდენტი გამოცემას უდასტურებს, რომ სიახლე გარდაუვალია. FDA საკითხზე კომენტარს არ აკეთებს. წამლების გამოყენების აკრძალვის შესახებ ინფორმაცია პირველად Washington Post-მა გაავრცელა.
მიიჩნევა, რომ Eli Lilly & Co და Regeneron Pharmaceuticals-ის მედიკამენტები ომიკრონით ინფიცირებული პაციენტების სამკურნალოდ ეფექტური არ არის. სანაცვლოდ, მაღალ ეფექტურობას აჩვენებს GlaxoSmithKline-სა და Biotechnology-ს მონოკლონური ანტისხეულების წამალი "სოტროვიმაბი".
"სოტროვიმაბმა" კვლევებში 79%-ით შეამცირა ჰოსპიტალიზაციისა და სიკვდილის რისკი მსუბუქი და საშუალო სიმძიმის პაციენტებში, ჯერ დიდი ბრიტანეთის, ხოლო შემდეგ აშშ-ის მარეგულირებელმა დაამტკიცა.
Bloomberg-ის ორიგინალური სტატიის ავტორი: ჯოშ ვინგროვი და ჯონათან ლევინი