კრემლმა განაცხადა, რომ რუსეთის გადაწყვეტილება, შეაჩეროს დიპლომატიური მისია NATO-ში, ჯაშუშობაში ბრალდებული რვა რუსის გაძევების საპასუხოდ, არის იმის აღიარება, რომ მოსკოვს კავშირი არ აქვს ალიანსთან.
“ვითარება, რომელიც ფაქტობრივად არსებობდა, ახლა ოფიციალურ სახეს იძენს. არანაირი კავშირი არ ყოფილა რუსეთსა და NATO-ს შორის. ჩვენ ეს არ გვაწუხებს”,- განუცხადა კრემლის პრესმდივანმა დიმიტრი პესკოვმა ჟურნალისტებს.
რუსეთმა განაცხადა, რომ შეწყვეტს დიპლომატიურ მისიას NATO-ში, მოსკოვში ბლოკის სამხედრო მისიის პერსონალს 1 ნოემბრიდან აკრედიტაცია ჩამოერთმევა და დაიხურება ალიანსის საინფორმაციო ოფისი რუსეთის დედაქალაქში.