Tesla-ს აღმასრულებელი დირექტორი, ელონ მასკი ამბობს, რომ იუმორი კომპანიის უფასო რეკლამირებაში ეხმარება. ამის დასტურად მასკს მაგალითად მიმდინარე წლის დასაწყისში საკუთარი თავის აღსაწერად სიტყვა Technoking-ი ("ტექნოლოგიების მეფე") მოჰყავს.
“თუ ხალხს გავართობთ, ისინი ჩვენ შესახებ ისტორიებს დაწერენ და რეკლამაში ფულის დახარჯვა აღარ მოგვიწევს, რაც ჩვენი მანქანების ფასს შეამცირებს”,- ამბობს მასკი და დასძენს, რომ მას იუმორის კარგი გრძნობა აქვს.
მასკის იუმორის შესახებ საზოგადოების მოსაზრება არაერთგვაროვანია, განსაკუთრებით 8 მაისის NBC-ის გადაცემა Saturday Night Live-ის წაყვანის შემდეგ. ის ერთ-ერთი სკეტჩის დროს "მარიოს" სერიების ერთ-ერთ პერსონაჟს, ვარიოს განასახიერებდა.
ამავე შოუში იუმორისტული სკეტჩის დროს კითხვაზე, არის თუ არა Doge აფიორა, მილიარდერმა უპასუხა, რომ დიახ, ის აფიორაა. ამ კომენტარის შემდეგ Dogecoin-ის ფასი მნიშვნელოვნად შემცირდა.
Bloomberg-ის ორიგინალური სტატიის ავტორები: ბრაიან ეკჰაუსი და კრის დოლმაში