LIVE

Microsoft-ის საბაზრო ღირებულებამ რეკორდულ $3 ტრილიონს მიაღწია

25 იან 202412:40
3 წუთის საკითხავი
clock clock 203
Microsoft-ის საბაზრო ღირებულებამ რეკორდულ $3 ტრილიონს მიაღწია

Microsoft-ის საბაზრო ღირებულებამ ისტორიულ მაჩვენებელს - $3 ტრილიონს მიაღწია.

ოთხშაბათის ვაჭრობაში კომპანიის აქციის ფასი 1,7%-ით $405,63-მდე გაიზარდა. თუმცა მოგვიანებით უკან დაიხია და 0,9%-იანი ზრდით, კომპანიის საერთო ღირებულებამ $2,99 ტრილიონი შეადგინა.

Microsoft-მა ცოტახნის წინ გადაუსწრო Apple-ს, რომელიც გასულ წელს $3 ტრილიონიანი ღირებულების პირველი კომპანია გახდა.

Microsoft-ის ზრდა ხელოვნური ინტელექტის (AI) მიმართ ინვესტორების მზარდ დაინტერესებას ასახავს. Microsoft-ი, რომელიც ChatGPT-ის შემქმნელი OpenAI-ს უმსხვილესი ინვესტორია, AI-ს ერთ-ერთ უდიდეს ბენეფიციარად მიიჩნევა.

„ისეთი კომპანიები, როგორებიცაა Apple, Google და Meta მუშაობენ AI-ს მონეტარიზაციის გზებზე, თუმცა Microsoft-ი არის ერთადერთი კომპანია, რომელიც ამას რეალურად აკეთებს ChatGPT-ის მხარდაჭერით“, - განაცხადა ბრაიან მალბერიმ, Zacks Investment Management-ის მომხმარებელთა პორტფოლიოს მენეჯერმა.

ანალიტიკოსების შეფასებით, AI-ზე მოთხოვნის ზრდასთან ერთად, გრძელვადიან პერიოდში, Microsoft-ის შემოსავლებიც გაიზრდება. 2024 ფისკალურ წელს შემოსავლების ზრდა 15%-ით არის მოსალოდნელი.