Gucci-ს ყოფილი სათავო ოფისი ლონდონში $66,6 მილიონად გაიყიდება. შედეგად, ის ხდება ყველაზე ძვირადღირებული უძრავი ქონება მაიფერის მეტროპოლიტენში.
სახლი, რომლის დაქირავება კვირაში 40000 ფუნტად არის შესაძლებელი, მოიცავს რვა საძინებელს, ბაღის ტერასას, აუზს, ორანჟერეასა და სოლარიუმს.
ლონდონის საუკეთესო სახლებზე მოთხოვნა მკვეთრად გაიზარდა პანდემიის შემდეგ როგორც გასაყიდად, ასევე გასაქირავებლად. სუსტი ფუნტი სულ უფრო იზიდავს უცხოელ მყიდველებს. მიმდინარე თვის დასაწყისში, Bloomberg News-მა გაავრცელა ინფორმაცია, რომ შვეიცარიის ერთ-ერთმა უმდიდრესმა ადამიანმა, ერნესტო ბერტარელმა ლონდონის ბელგრავიაში მდებარე სახლი 92 მილიონ ფუნტად იყიდა.
Gucci-ს ყოფილი ქონება ბრიტანეთში დაახლოებით 19 საშუალო სახლის ზომაა და ისტორიულ ადგილად მიიჩნევა. შენობა შექმნილია ნეოკლასიკურ სტილში არქიტექტორ რობერტ ტეილორის მიერ. ის 1700-იან წლებში აშენდა და ლორდ ბროჰემის სახლი იყო ლონდონში. მან ლორდი კანცლერის როლში სწორედ ამ სასახლეში უმასპინძლა დედოფალ ვიქტორიას და ველინგტონის პირველ ჰერცოგს.
უძრავი ქონების ან მოიჯარის მოძებნა შუამავლის როლში Beauchamp Estates-ში უძრავი ქონების მაღალი დონის კონსულტანტს დაევალა. მიწის რეესტრის მიხედვით, უძრავ ქონებაზე საკუთრება ოფშორული ტრასტის მეშვეობით ხორციელდება.
Bloomberg-ის ორიგინალური სტატიის ავტორი: დეირდრე ჰიპველი