LIVE

Starbucks რუსეთის ბაზარს სრულად ტოვებს

23 მაი 202221:20
3 წუთის საკითხავი
clock clock 244
Starbucks რუსეთის ბაზარს სრულად ტოვებს

Starbucks რუსეთს სრულად ტოვებს. უკრაინაზე თავდასხმის შემდეგ, მარტში ქსელის 130-ვე მაღაზიამ ქვეყანაში მუშაობა დროებით შეაჩერა. დღევანდელი გადაწყვეტილებით კი Starbucks ოპერირებას წყვეტს. 

კომპანია 2000 თანამშრომელს ხელფასს ექვსი თვის განმავლობაში გადაუხდის და მათ სხვა სამსახურში გადასვლაში დაეხმარება. ამის შესახებ Starbucks-მა თანამშრომლებს დღეს აცნობა. 

"ვგმობთ რუსეთის მიერ უკრაინაზე უსამართლო და შემზარავ თავდასხმებს და ვწუხვართ ყველა დაზარალებულის გამო. ეს შეჭრა და ჰუმანიტარული გავლენა დამღუპველია და ქმნის ტალღოვან ეფექტს, რომელიც მთელ მსოფლიოში იგრძნობა", - წერდა Starbucks-ის მაშინდელი აღმასრულებელი დირექტორი კევინ ჯონსონი.

24 თებერვალს რუსეთის მიერ უკრაინაში შეჭრის შემდეგ, მსხვილმა კორპორაციებმა აგრესორი ქვეყნის ბაზარი დატოვეს. მიმდინარე თვეში McDonald’s-მა რუსეთი საბოლოოდა დატოვა და თავისი ბიზნესი ადგილობრივ ბიზნესმენს მიჰყიდა

იელის უნივერსიტეტის მიერ შედგენილი სიის მიხედვით, თითქმის 1000-მა კომპანიამ საჯაროდ გამოაცხადა, რომ ისინი ნებაყოფლობით ამცირებენ რუსეთში ოპერაციებს. მათგან ნაწილმა ქვეყნის ბაზარი სამუდამოდ დატოვა. 

Bloomberg-ის ორიგინალური სტატიის ავტორი: მაქს აბელსონი