Collins Dictionary-მ NFT(non-fungible tokens) 2021 წლის სიტყვად გამოაცხადა. ეგრეთ წოდებული "შეუცვლელი სიმბოლოები", იგივე NFT, ტექნოლოგიების, ფულისა და ხელოვნების სამყაროების შერწყმას გულისხმობს, რაც ლექსიკონმა ამ ფორმით აღნიშნა. უფრო მარტივად, NFT უნიკალური ციფრული აქტივია, რომლის ორიგინალურობა და მასზე საკუთრების უფლება, ბლოკჩეინზეა დადასტურებული.
BREAKING NEWS The Collins Word of the Year is… NFT.
— Collins Dictionary (@CollinsDict) November 24, 2021
Find out more about #CollinsWOTY 2021 and see the full list here: https://t.co/gmsnCqA0yv#wordoftheyear #CollinsDictionary #NFT pic.twitter.com/XPhUM7oIoZ
NFT-მა პოპულარობა წელს კოლექციონერების, სპეკულანტებისა და ცნობილი ადამიანების მხარდაჭერის დახმარებით მოიპოვა. Collins-ი NFT-ს განსაზღვრავს, როგორც „უნიკალურ ციფრულ სერტიფიკატს, რომელიც დარეგისტრირებულია ბლოკჩეინში და გამოიყენება ისეთი აქტივის საკუთრების განსასაზღვრად, როგორიცაა ხელოვნების ნიმუში ან საკოლექციო ნივთი“. NFT-ის მეშვეობით, ზოგიერთი ასეთი ციფრული ნამუშევარი ახლა მილიონობით დოლარად იყიდება.
Collins-ის სიტყვების მოკლე სიაში NFT-ისთან ერთად მოხვდა მეტავერსიც. ლექსიკონი სიტყვას განსაზღვრავს, როგორც „ინტერნეტის შემოთავაზებულ ვერსიას, რომელიც სამგანზომილებიან ვირტუალურ გარემოს მოიცავს“. Collins-ის სიტყვების სიაში მოხვდა კრიპტოც. მას ხშირად კრიპტოვალუტის შემოკლებულ ფორმად იყენებენ.
Bloomberg-ის ორიგინალური სტატიის ავტორი: ვლად სავოვი