ილონ მასკი Shiba Inu-ს უმსხვილესი კრიპტოვალუტების რიგებში მოხვედრაში დაეხმარა. ახლა, როცა მასკი აცხადებს, რომ Shiba Inu-ს არ ფლობს, კრიპტოვალუტის ღირებულება ისევ იკლებს.
მასკმა, რომელიც არაერთხელ გამოეხმაურა Dogecoin-ს სოციალურ მედიაში და ხშირად აკეთებდა კომენტარს კრიპტოვალუტებზე, Shiba Inu-ს შესახებ Twitter-ის მომხმარებლის კითხვას უპასუხა. კითხვას თუ რამდენ Shiba Inu-ს მონეტას ფლობს ის, მსოფლიოს უმდიდრესმა ადამიანმა უპასუხა, რომ არცერთს. მასკმა დასძინა, რომ მხოლოდ ბიტკოინი, ეთერიუმი და Dogecoin-ი შეიძინა.
Out of curiosity, I acquired some ascii hash strings called “Bitcoin, Ethereum & Doge”. That’s it.
— Elon Musk (@elonmusk) October 24, 2021
As I’ve said before, don’t bet the farm on crypto! True value is building products & providing services to your fellow human beings, not money in any form.
ორშაბათს, დილის 9:30 საათისთვის, მონეტა, რომელიც SHIB სახელით არის ცნობილი, 15%-ით დაეცა. იაპონური მონადირე ძაღლების ჯიშის ირგვლივ შექმნილი კრიპტოვალუტა ბოლო 30 დღის განმავლობაში 400%-ზე მეტით გაიზარდა და საბაზრო ღირებულებით კრიპტოვალუტებში მე-11 ადგილს იკავებს.
ბაზრის ბევრი დამკვირვებელი ამბობს, რომ ხშირად მცირე მიზეზია საჭირო მონეტის ფასის ცვლილებისთვის. კრიპტოვალუტას, შესაძლოა, იმპულსის შენარჩუნება გაუჭირდეს.
Bloomberg-ის ორიგინალური სტატიის ავტორი: ჯოანა ოსინგერი