![პარიზში ჯიჰადისტების სასამართლო პროცესების გამო უსაფრთხოების ზომები გამკაცრდა](/uploads_script/articles/2021/09/08/2jfj2f791udwc5m.jpg)
საფრანგეთის პოლიციამ გააძლიერა უსაფრთხოების ზომები პარიზის ცენტრში, სასამართლოს მიმდებარედ, სადაც ჯიჰადისტურ არეულობაში მონაწილე 20 პირის სასამართლო პროცესები იწყება.
130-მდე ადამიანი დაიღუპა და ასობით დაიჭრა თვითმკვლელი ტერორისტების მიერ ექვს ბარსა და რესტორანზე თავდასხმის შედეგად, როცა ბატაკლანის საკონცერტო დარბაზსა და სპორტულ სტადიონს 2015 წლის 13 ნოემბერს დაესხნენ თავს.
1000-ზე მეტი პოლიციელი იქნება განლაგებული სასამართლო პროცესის უსაფრთხოების უზრუნველსაყოფად, ხოლო სასამართლო დარბაზში დაშვებულ ყველა ადამიანს რამდენიმე საგუშაგოს გავლა მოუწევს.
სასამართლო პროცესი ცხრა თვე გაგრძელდება და მასში დაახლოებით 1800 მოსარჩელე და 300-ზე მეტი ადვოკატი მიიღებს მონაწილეობას, რასაც იუსტიციის მინისტრი, ერიკ დიუპონდ-მორეტი უპრეცედენტო სასამართლო მარათონს უწოდებს.