ქართული ღვინის პოპულარიზაციის ხელშეწყობის პროგრამის სახელმწიფო ბიუჯეტი 2023 წლისთვის 2 მილიონი ლარით, 14 მილიონ ლარამდე გაიზარდა.
ღვინის ეროვნული სააგენტოს ინფორმაციით, აღნიშნული თანხიდან, 2 მილიონი ლარი მიიმართება „ქართული ღვინის პოპულარიზაციის ხელშეწყობის სახელმწიფო პროგრამისკენ“, რომელიც მთავრობამ 2021 წლის სექტემბერში დაამტკიცა და რომლის მიზანია საერთაშორისო ბაზრებზე ქართული ღვინის საექსპორტო პოტენციალის, კონკურენტუნარიანობისა და ცნობადობის გაზრდა, სტრატეგიული და პრიორიტეტული საექსპორტო ბაზრების დივერსიფიცირება.
სააგენტოს თანახმად, მარკეტინგული ხარჯების თანადაფინანსება მხოლოდ იმ კომპანიებისთვის განხორციელდება, რომლებიც ექსპორტს პრიორიტეტულ ბაზრებსა და მსოფლიოს სხვადასხვა ქვეყნებში ახორციელებენ, გარდა დსთ-ს ქვეყნებისა და აკმაყოფილებენ პროგრამით განსაზღვრულ სხვა პირობებს.