LIVE

კიმ კარდაშიანი კრიპტოვალუტის რეკლამის გამო $1.3 მილიონით დააჯარიმეს

03 ოქტ 202218:20
3 წუთის საკითხავი
clock clock 248
კიმ კარდაშიანი კრიპტოვალუტის რეკლამის გამო $1.3 მილიონით დააჯარიმეს
Paul Morigi/Getty Images

აშშ-ის ფასიანი ქაღალდებისა და საფონდო ბირჟების მარეგულირებელმა კომისიამ (SEC) ამერიკელი ბიზნესმენი, მსახიობი და მოდელი კიმ კარდაშიანი EthereumMax-ის უკანონო რეკლამის გამო დააჯარიმა. 

ჯარიმის მოცულობა $1.26 მილიონს შეადგენს. კარდაშიანმა ჯარიმის გადახდაზე თანხმობა უკვე განაცხადა. ამასთან, პირობა დადო, რომ მომდევნო სამი წლის განმავლობაში, კრიპტოაქტივების რეკლამას არ გააკეთებს.

მარეგულირებლის თქმით, კარდაშიანმა Instagram-ზე კრიპტო ტოკენს პოპულარიზება გაუწია და არ აღნიშნა, რომ ეს რეკლამა იყო. ამით ინფლუენსერმა აშშ-ის კანონი დაარღვია. 

SEC-მა განაცხადა, რომ კარდაშიანს EthereumMax-ის ტოკენის, EMAX რეკლამისთვის $250,000 გადაუხადეს.

კარდაშიანმა მარეგულირებლის ბრალდებები არც უარყო და არც დაადასტურა.  

SEC ხშირად აცხადებს, რომ ცნობილი ადამიანებმა აუდიტორიას უნდა აცნობონ, როდესაც ისინი კრიპტოვალუტის რეკლამას აკეთებენ. 2018 წელს, მარეგულირებელმა დააჯარიმა მოკრივე ფლოიდ მეივეზერი და მუსიკალური პროდიუსერი დიჯეი ხალედი როცა არ გაამჟღავნეს, რომ რეკლამას აკეთებდნენ.  

"ეს შემთხვევა გვახსენებს, რომ როდესაც ცნობილი სახეები ან გავლენის შემსრულებლები მხარს უჭერენ საინვესტიციო შესაძლებლობებს, მათ შორის კრიპტო აქტივების ფასიან ქაღალდებს, ეს არ ნიშნავს, რომ შეთავაზებული პროდუქტები შესაფერისია ყველა ინვესტორისთვის. მოვუწოდებთ ინვესტორებს განიხილონ ინვესტიციის პოტენციური რისკები და შესაძლებლობები საკუთარი ფინანსური მიზნების გათვალისწინებით", - ნათქვამია SEC-ის თავმჯდომარის, გარი გენსლერის მიერ დღეს გავრცელებულ განცხადებაში.

მარეგულირებელი დიდი ხანია ამტკიცებს, რომ ვირტუალური ტოკენი მიეკუთვნება ფასიან ქაღალდებს და მის იურისდიქციაში ექცევა. 

Bloomberg-ის ორიგინალური სტატიის ავტორი: ბენჯამინ ბეინი