LIVE

ლავროვმა და რუსეთის დელეგაციის წევრებმა გაეროს ასამბლეაზე დასასწრებად ვიზები მიიღეს - მედია

13 სექ 202215:00
3 წუთის საკითხავი
clock clock 797
ლავროვმა და რუსეთის დელეგაციის წევრებმა გაეროს ასამბლეაზე დასასწრებად ვიზები მიიღეს - მედია

რუსეთის საგარეო საქმეთა მინისტრმა სერგეი ლავროვმა და რუსეთის დელეგაციის წევრებმა გაეროს გენერალურ ასამბლეაზე დასასწრებად აშშ-ის ვიზები მიიღეს. ამის შესახებ რუსული საინფორმაციო სააგენტო Interfax რუსეთის საგარეო საქმეთა სამინისტროზე დაყრდნობით წერს

"დღეს ვიზა მისცეს ლავროვს და პირებს, ვინც მას თან ახლავს", - წერს სააგენტო.

რუსეთი კვირების განმავლობაში აკრიტიკებდა შეერთებულ შტატებს იმის გამო, რომ დელეგაციის წევრებს არ აძლევდა ვიზებს ასამბლეის 77-ე სესიაზე დასასწრებად და რუსეთის დაბლოკვის მცდელობაში ადანაშაულებდა.

კრემლმა დღეს განაცხადა, რომ რუსეთის სრული დელეგაციისთვის ვიზების არ გაცემით, აშშ "არღვევს თავის ვალდებულებებს".

ღონისძიება ნიუ-იორკში დღეს იწყება. ფორუმის მაღალი დონის სესიები მომავალ კვირას დაიწყება.