ევროზონის ეკონომიკა მეორე კვარტალში ოდნავ ნაკლებად გაიზარდა, ვიდრე პროგნოზირებული იყო, რაც მიანიშნებს, რომ იმპულსი იშლება.
Eurostat-ის მიხედვით, წარმოება წინა სამი თვის მაჩვენებლიდან 0.6%-ით გაიზარდა წინასწარ პროგნოზირებულ 0.7%-თან შედარებით. დასაქმება ამავე პერიოდში 0,3%-ით გაიზარდა.
მონაცემები ჯერ კიდევ მიანიშნებს, რომ ზაფხულში ევროპის ეკონომიკა შედარებით მყარი იყო, მაგრამ ანალიტიკოსები შიშობენ, რომ ენერგიის დეფიციტი კიდევ უფრო გაზრდის რეკორდულ ინფლაციას, რაც კონტინენტს რეცესიაში გადაიყვანს. Bloomberg-ის გამოკითხვის თანახმად, ვარდნა, რომელიც ორი კვარტლის განმავლობაში გაგრძელდება, ახლა კიდევ უფრო სავარაუდოა და მისი ალბათობა 60%-მდეა.
ასევე მოსალოდნელია, რომ 2022 წელს ინფლაცია თითქმის 8%-ს მიაღწევს, რაც დაახლოებით ოთხჯერ აღემატება ევროპის ცენტრალური ბანკის სამიზნეს. ოფიციალური პირები ხაზს უსვამენ მტკიცე რეაგირების მნიშვნელობას, რათა თავიდან აიცილონ უფრო მაღალი ინფლაციის მოლოდინი. თუმცა ზოგიერთი ეკონომისტი სვამს კითხვას, რამდენად შეიძლება გაიზარდოს საპროცენტო განაკვეთები რეცესიის შემთხვევაში.
Bloomberg-ის ორიგინალური სტატიის ავტორი: კეროლინ ლუკი