უილტშირის Luckington Court-ის მფლობელებმა გასაყიდად განათავსეს ქონება, რომელიც ცნობილია, როგორც ბენეტების ოჯახის სახლი "სიამაყე და ცრურწმენის" BBC-ის 1995 წლის ადაპტაციაში. სახლის მფლობელებმა საწყისი ფასი მესამედით შეამცირეს.
ჯეინ ოსტინის კლასიკური რომანისა და ფართოდ აღიარებული BBC-ის ადაპტაციის თაყვანისმცემლებს ახლა ქონების შეძენა მხოლოდ £6 მილიონი დაუჯდებათ. 2018 წელს საკუთრება £9 მილიონად იყიდებოდა.
მე-11 საუკუნით დათარიღებული ისტორიით, Luckington Court-ის ლისტინგში აღნიშნულია მეფე ჰაროლდ II-სთან კავშირიც, რომელიც ჰასტინგსის ბრძოლაში მოკლეს. სახლს რვა საძინებელი, შვიდი აბაზანა, ღვინის სარდაფი, სათამაშო ოთახი და თავლები აქვს.
ახალი მფლობელი ასევე ისარგებლებს 10,000 კვადრატული ფუტი საცხოვრებელი ფართით მთავარ რეზიდენციაში, ასევე მიწაზე განთავსებულ სხვა ხუთი კოტეჯით ტრადიციულ ფერმის შენობებთან ერთად და თითქმის 20 ჰექტარი მდელოებითა და ტყეებით.
Bafta-ს მიხედვით, BBC-ის ადაპტაციამ 10 მილიონზე მეტი მაყურებლის ყურადღება მიიპყრო და საფუძველი ჩაუყარა ამ პერიოდის კოსტიუმირებული დრამების პოპულარობას, რამაც გზა გაუხსნა Bridgerton-ს და Downton Abbey-ს.
გერი სკოტმა, BBC-ის პროგრამის პროდიუსერმა, აღნიშნა, რომ მან Luckington Court-ი გამოგონილი Longbourne-ის რეპრეზენტაციისთვის აირჩია, რადგან ის ნამდვილად მხოლოდ კომფორტული საოჯახო სახლია, რომელსაც რაიმე განსაკუთრებული პრეტენზია არ აქვს.
Bloomberg-ის ორიგინალური სტატიის ავტორი: კონრად ქუილტი ჰარპერი