ილონ მასკმა Twitter-ის შესყიდვის "საბოლოო და საუკეთესო" შეთავაზება გააკეთა. მისი თქმით, კომპანიას ექსტრაორდინარული პოტენციალი აქვს, რომელსაც ის გამოიყენებს.
მსოფლიოს უმდიდრესი ადამიანი თითო აქციაზე ნაღდი ფულით $54.20-ს გადაიხდის, რაც $43 მილიარდიან საერთო ღირებულებას შეადგენს.
მასკმა შეთავაზების შესახებ მარეგულირებლის დოკუმენტში განაცხადა. ინფორმაციის გავრცელების შემდეგ სოციალური მედიის კომპანიის აქციების ფასი 18%-ით გაიზარდა.
მილიარდერი, რომელიც Tesla-ს აკონტროლებს, ამ ეტაპზე Twitter-ის უმსხვილესი აქციონერია 9%-იანი წილით. Twitter-მა მას ბორდის წევრობაც შესტავაზა, რაზეც მან უარი განაცხადა, სავარაუდოდ, აქციების მომავალ შესყიდვაზე ლიმიტის გამო, რომელიც ამ შემთხვევაში დაუწესდებოდა.
მასკი Twitter-ზე ხშირად საჯაროდ განიხილავს ცვლილებებს, რომელსაც კომპანიაში გეგმავს. მათ შორისაა სოციალური მედიის კომპანიის სან-ფრანცისკოს სათავო ოფისის უსახლკაროთა თავშესაფრად გადაკეთება და ტვიტებისთვის რედაქტირების ფუნქციის დამატება. მასკის ინიციატივას კომპანიის სათავო ოფისის თავშესაფრად გადაკეთების შესახებ Twitter-ზე ჯეფ ბეზოსიც გამოეხმაურა.
Or do portion. Worked out great and makes it easy for employees who want to volunteer. https://t.co/r0dZWsMxWT https://t.co/NbUNl1bkJ3
— Jeff Bezos (@JeffBezos) April 10, 2022