LIVE

ილონ მასკი Twitter-ის ბორდს არ შეუერთდება

11 აპრ 202212:55
3 წუთის საკითხავი
clock clock 760
ილონ მასკი Twitter-ის ბორდს არ შეუერთდება

Twitter-ი აცხადებს, რომ ილონ მასკის გადაწყვეტილებით, ის კომპანიის ბორდს აღარ შეუერთდება. ინფორმაციის გავრცელების შემდეგ Twitter-ის აქციების ფასი 7%-ით შემცირდა. განვითარება მოულოდნელი იყო 1-კვირიან საგაში, რომელმაც ტექნოლოგიური საზოგადოება მოიცვა და კომპანიის მომავლის შესახებ განახლებული სპეკულაციები გამოიწვია.

მასკმა Twitter-ის დირექტორებთან განიხილა საკითხი, თუმცა საბოლოოდ უარი თქვა მათ შეთავაზებაზე ბორდის წევრობის შესახებ. კომპანიის აღმასრულებელი დირექტორის, პარაგ აგრავალის მიხედვით, მასკმა გადაწყვეტილების შესახებ Twitter-ს 9 აპრილს აცნობა.

მასკის მიერ გადაწყვეტილების შეცვლამ სპეკულაციები გამოიწვია მისი მიზნების შესახებ Twitter-თან დაკავშირებით. ის კომპანიის 9%-ს ფლობს და მისი უმსხვილესი აქციონერია. თუმცა, თუ მასკი ბორდს არ შეუერთდება, მას აღარ ექნება ვალდებულება მისი წილი კომპანიაში 14.9%-ზე დაბლა შეინარჩუნოს.

ბაზრის რამდენიმე დამკვირვებელმა Twitter-ზე დაწერა, რომ მასკი შესაძლოა ბორდს მომავალში ინტერესთა პოტენციური კონფლიქტის თავიდან აცილების მიზნით არ უერთდებოდეს. ეს იმ შემთხვევაში, თუ ის კომპანიაში წილის გაზრდას ან მის პირდაპირ შეძენას განიხილავს.

მსოფლიოს უმდიდრესი ადამიანი, რომელიც Twitter-ზე ერთ-ერთი ყველაზე დიდი პერსონაა, შესაძლოა, აშშ-ს მარეგულირებლების ინტერესის საგანიც გახდეს. ეს იმიტომ, რომ მასკმა კომპანიაში წილის შესყიდვის შესახებ რეგულაციების მიხედვით, რამდენიმე დღით გვიან განაცხადა. ასევე, მან ამისთვის გამოიყენა პასიური ინვესტიციებისთვის განკუთვნილი განაცხადი. გამჟღავნების შემდეგ Twitter-ის ბორდში ასე სწრაფად შესვლამ შესაძლოა ეს პროცესი გაართულოს.

ცნობისთვის, მასკი უკვე ცდილობს დატოვოს 2018 წლის გარიგება SEC-თან, რომელიც Tesla-სთან დაკავშირებით მის ტვიტებს აკონტროლებს.

Bloomberg-ის ორიგინალური სტატიის ავტორი: სარა ფრაიაერი