ფინანსთა მინისტრის, ლაშა ხუციშვილის განცხადებით, განახლებული პროგნოზით, მთავრობა წელს საქართველოს ეკონომიკის 6.5%-იან ზრდას ელის.
„ბოლო პერიოდში ვხედავთ ძალიან ოპტიმისტურ დინამიკას. ჩვენი განახლებული პროგნოზის შესაბამისად, ეკონომიკური ზრდა 2021 წელს ნავარაუდევია 6.5%, რაც გაცილებით მაღალია, ვიდრე წინა პროგნოზებში. 2022 წლისთვის ნავარაუდევი პროგნოზი ასევე მაღალია და 6.9%-ს შეადგენს. მაღალი ზრდის ფონზე შევამცირებთ საბიუჯეტო დეფიციტს 7.1%-მდე“,- აღნიშნა მინისტრმა.
მისივე თქმით, ოპტიმისტური სცენარით, 2021 წელს ეკონომიკური ზრდა ორნიშნა იქნება - 10.2%.
აქამდე არსებული პროგნოზით, მიმდინარე წელს ეკონომიკის 4.3%-იანი ზრდა იყო ნავარაუდევი.
ცნობისთვის, 2021 წელს საქართველოს ეკონომიკის 3.5%-იან ზრდას პროგნოზირებენ "საერთაშორისო სავალუტო ფონდი" (IMF) და „აზიის განვითარების ბანკი“ (ADB).