საქართველოში 5 წელში 112 049 ქორწინება და 53 888 განქორწინება დარეგისტრირდა

საქართველოში 2018-2022 წლებში 112 049 ქორწინება დარეგისტრირდა. 

ბლოკი „ერთიანი ნაციონალური მოძრაობა - გაერთიანებული ოპოზიცია „ძალა ერთობაშიას“ წევრის, დავით ხაჯიშვილის სადეპუტატო კითხვის პასუხად, საქსტატის მიერ მომზადებული მონაცემები აჩვენებს, რომ 5 წლის განმავლობაში თვეების მიხედვით ყველაზე ნაკლები, 3 ქორწინება 2020 წლის აპრილში დარეგისტრირდა, ყველაზე მეტი, 3 034 ქორწინება კი - 2022 წლის ოქტომბერში.

რეგისტრირებული ქორწინებების რაოდენობა 2018-2022 წლების მიხედვით შემდეგია:

• 2018 წელი - 23 202 რეგისტრირებული ქორწინება;
• 2019 წელი - 23 285 რეგისტრირებული ქორწინება;
• 2020 წელი - 16 359 რეგისტრირებული ქორწინება;
• 2021 წელი - 23 155 რეგისტრირებული ქორწინება;
• 2022 წელი - 26 048 რეგისტრირებული ქორწინება.

რაც შეეხება განქორწინებებს, სტატისტიკა აჩვენებს, რომ 5 წელში ქვეყანაში 53 888 განქორწინების რეგისტრაცია მოხდა.

5 წელში თვეების მიხედვით ყველაზე ნაკლები, 56 განქორწინება 2020 წლის აპრილში დარეგისტრირდა, ყველაზე მეტი, 1 353 განქორწინება კი - 2022 წლის ოქტომბერში.

რეგისტრირებული განქორწინებების რაოდენობა 2018-2022 წლების მიხედვით ასეთია:

• 2018 წელი - 10 288 რეგისტრირებული განქორწინება;
• 2019 წელი - 11 205 რეგისტრირებული განქორწინება;
• 2020 წელი - 7 643 რეგისტრირებული განქორწინება;
• 2021 წელი - 10 654 რეგისტრირებული განქორწინება;
• 2022 წელი - 14 098 რეგისტრირებული განქორწინება.