ისრაელში მიმდინარე მოვლენების ფონზე, ნავთობი გაძვირდა. კერძოდ, ორშაბათს, აზიის ვაჭრობაში ფასი ბარელზე $3-ზე მეტად გაიზარდა.
ბრენტის ტიპის ნავთობის ფასმა 3.67%-ით ანუ $3.10-ით მოიმატა და ბარელზე $87.68 შეადგინა. West Texas Intermediate-ის ნავთობის ფასი კი $86.05-ზეა, რაც 3.94%-იანი ზრდაა. ორივე მაჩვენებელმა თავდაპირველად $4-ზე მეტით მოიმატა, თუმცა მოგვიანებით უკან დაიხია.
ახლო აღმოსავლეთში პოლიტიკურმა დაძაბულობამ ნავთობის მიწოდებასთან დაკავშირებით შეშფოთება გააჩინა. ნავთობის ფასების ზრდამ შეცვალა გასული კვირის კლების ტენდენცია, როდესაც მარტის შემდეგ ყველაზე მკვეთრი ვარდნა დაფიქსირდა - ბრენტის ფასი 11%-ით, WTI-ს კი დაახლოებით 8%-ით შემცირდა.
7 ოქტომბერს ისლამისტურმა დაჯგუფება ჰამასმა ბოლო ათწლეულების განმავლობაში ყველაზე დიდი სამხედრო იერიში დაიწყო ისრაელის წინააღმდეგ. შედეგად დაღუპულთა რიცხვმა 700-ს გადააჭარბა. დაშავებულთა რიცხვი ამ დროისთვის 2 200-ს აღემატება.