LIVE

2022 წელს საქართველოს მოსახლეობის შემოსავლები 17.3%-ით, ხარჯები კი 20.3%-ით გაიზარდა

25 მაი 202312:25
3 წუთის საკითხავი
clock clock 458
2022 წელს საქართველოს მოსახლეობის შემოსავლები 17.3%-ით, ხარჯები კი 20.3%-ით გაიზარდა

2022 წელს საქართველოს მოსახლეობის საშუალო თვიური შემოსავლები წლიურად 17.3%-ით გაიზარდა და 1.6 მილიარდი ლარი შეადგინა.

საქსტატის მონაცემებით, საშუალო თვიური შემოსავლები ერთ შინამეურნეობაზე 19%-ით, 1 453.8 ლარამდე გაიზარდა, ხოლო ერთ სულზე 18.6%-ით გაიზარდა 432.7 ლარამდე.

შინამეურნეობების შემოსავლების ძირითადი წყაროა ფულადი შემოსავლები და ტრანსფერტები.

ამასთან, ქვეყნის მოსახლეობის ჯამური საშუალო თვიური შემოსავლები ქალაქის ტიპის დასახლებებში 14.9%-ით გაიზარდა და 967.9 მილიონი ლარი შეადგინა, ხოლო სოფლის ტიპის დასახლებებში 21.4%-ით გაიზარდა და 628.1 მილიონი ლარი შეადგინა.

რაც შეეხება ხარჯებს, საქართველოს მოსახლეობის საშუალო თვიურმა ხარჯებმა გასულ წელს 1.6 მილიარდი ლარი შეადგინა, რაც 2021 წლის შესაბამის მაჩვენებელზე 20.3%-ით მეტია.

საშუალო თვიური ხარჯები ერთ შინამეურნეობაზე 22%-ით გაიზარდა და 1 413.6 ლარი შეადგინა, ხოლო ერთ სულზე 21.7%-ით გაიზარდა და 420.7 ლარს გაუტოლდა.

ქვეყნის მოსახლეობის ჯამური ხარჯები ქალაქის ტიპის დასახლებებში 19.2%-ით გაიზარდა 951.5 მილიონ ლარამდე, ხოლო სოფლის ტიპის დასახლებებში 22.2%-ით გაიზარდა და 600.4 მილიონი ლარი შეადგინა.

სამომხმარებლო ფულადი ხარჯების სტრუქტურაში კვლავ ყველაზე დიდი წილი სურსათზე, სასმელზე და თამბაქოზე გაწეულ ხარჯებს უჭირავს.