.jpg)
ეროვნული ბანკის თანახმად, საქართველოს მოსახლეობის უმრავლესობის, 79%-ის აზრით, ფული იმისთვისაა, რომ დაიხარჯოს.
სებ-ის მიერ გამოქვეყნებული საქართველოს მოსახლეობის ფინანსური განათლების დონის კვლევის მიხედვით, მოქალაქეების 56% სრულად ან ნაწილობრივ იზიარებს მოსაზრებას, რომ ფულის გრძელვადიანი მიზნებისთვის შენახვასთან შედარებით მეტ კმაყოფილებას ფულის ხარჯვა ანიჭებს, ხოლო, 37% მხოლოდ დღევანდელი დღით ცხოვრობს და ხვალინდელ დღეზე ნაკლებად ფიქრობს.
შეგახსენებთ, ეროვნული ბანკის მონაცემებით, საბანკო დეპოზიტზე დანაზოგი მოსახლეობის ძალიან მცირე რაოდენობას (11%) აქვს განთავსებული. დიდი ნაწილი (57%), დანაზოგს სახლში, ნაღდი ფულის სახით ინახავს, 25% კი თანხას შესანახად ოჯახის წევრებს ანდობს.