რუსეთმა გაეროს ხელშეკრულების საბოლოო გადასინჯვის პროექტი დაბლოკა, რაც ბირთვული განიარაღების ქვაკუთხედად ითვლება.
ერთთვიანი მოლაპარაკებები ბირთვული იარაღის გაუვრცელებლობის შესახებ 50-წლიანი ხელშეკრულების განახლებისთვის, რომელიც უკვე ორი წლით გადაიდო Covid-19-ის პანდემიის ფონზე, შეჩერდა რუსეთის მიერ უკრაინაში ზაპოროჟიეს ატომური ელექტროსადგურის ოკუპაციის გამო. რუსეთს ჯერ არ მიუცია საერთაშორისო ინსპექტორებისთვის ევროპის უდიდეს ატომურ დაწესებულებაში შესვლის უფლება.
“ჩვენ არ გვაქვს შეთანხმებული დოკუმენტი რუსეთის გამო. აშშ ღრმად წუხს ამ შედეგისა და მით უმეტეს რუსეთის ქმედებების გამო, რომლებმაც დღეს აქამდე მიგვიყვანეს. არავის უნდა დაგვავიწყდეს, რომ სანამ დოკუმენტზე კონსენსუსი დავკარგეთ, უკრაინაში ადამიანები იღუპებიან”,- წერს აშშ-ის სახელმწიფო მდივნის მოადგილე შეიარაღების კონტროლის საკითხებში ბონი ჯენკინსი Twitter-ზე.
რუსეთის საგარეო საქმეთა სამინისტროს იარაღის გაუვრცელებლობისა და იარაღის კონტროლის დეპარტამენტის დირექტორის მოადგილემ, იგორ ვიშნევეცკიმ განუცხადა დელეგატებს, რომ “სამწუხაროდ, არ არსებობს კონსენსუსი ამ დოკუმენტთან დაკავშირებით”.
ნებისმიერი შეთანხმება მოითხოვს კონსენსუსს ხელშეკრულების 191 მხარეს შორის.
Bloomberg-ის ორიგინალური სტატიის ავტორი: რეინი ბოისენი