ეროვნული ბანკის მონაცემებით, 2022 წლის ივლისში საქართველოში გადმორიცხული ფულადი გზავნილების მოცულობამ 306.0 მლნ აშშ დოლარი (871 მლნ 200 ათასი ლარი) შეადგინა, რაც 46.8%-ით (97 მლნ 600 ათასი აშშ დოლარით) მეტია 2021 წლის ივლისის ანალოგიურ მაჩვენებელზე.
აღსანიშნავია, რომ ივლისში გადმორიცხული თანხის მთლიან მოცულობაში რუსეთის ფედერაციის წილი 33%-ია. ერთ თვეში რუსეთიდან 100 მლნ დოლარი გადმოირიცხა, წლიური ზრდის მაჩვენებელი კი 151%-ს შეადგენს. რუსეთზე მაღალი წლიური ზრდა ფიქსირდება ბელორუსის შემთხვევაში. გასული წლის ანალოგიურ პერიოდთან შედარებით, ფულადი გზავნილების ზრდის მაჩვენებელი 1244%-ია.
TOP-10 ქვეყანა, საიდანაც საქართველოში ყველაზე მეტი თანხა გადმოირიცხა:
- რუსეთის ფედერაცია - $100.59 მლნ / წლიური ზრდა 151%;
- იტალია - $35.96 მლნ / 8%;
- აშშ - $28.56 მლნ / 12%;
- საბერძნეთი - $19.17 მლნ / -7%;
- ისრაელი - $16.72 მლნ / 4%;
- გერმანია - $14.64 მლნ / 47%;
- ბელორუსი - $10.34 მლნ / 1244%;
- ყაზახეთი - $10.11 მლნ / 103%;
- ყირგიზეთი - $9.61 მლნ / 414%;
- თურქეთი - $8.57 მლნ / -4%.
რაც შეეხება საქართველოდან საზღვარგარეთ გადარიცხულ თანხებს, ივლისში ამ მაჩვენებელმა 27 მლნ 700 ათასი აშშ დოლარი შეადგინა.