OPEC+ სექტემბერში ნავთობის წარმოების 100,000 ბარელით გაზრდაზე შეთანხმდა. ინფორმაციას დელეგატები Bloomberg-ს ანონიმურობის დაცვით უდასტურებენ. მინისტრებმა წინადადება ონლაინ შეხვედრაზე დაამტკიცეს. ივლისსა და აგვისტოში ბაზარს დღეში 600 000 ბარელზე მეტი ნავთობი მიეწოდება.
გარიგებამ შეიძლება გარკვეული შვება მოუტანოს მომხმარებლებს, რომლებიც ნავთობის ფასების ინფლაციურ ზეწოლას განიცდიან. Brent-ის ტიპის ნავთობმა ადრინდელი დანაკარგები აინაზღაურა, ბარელზე 1.3%-ით გაიზარდა და $101.80-ს მიაღწია.
დელეგატებმა განაცხადეს, რომ ალიანსის 23 ქვეყანა ზრდას პროპორციულად გაიზიარებს. ბოლო თვეებში, როდესაც მხოლოდ საუდის არაბეთმა და არაბეთის გაერთიანებულმა საამიროებმა შეძლეს წარმოების გაზრდა, დაპირებული ზრდის მხოლოდ მცირე ნაწილმა მიაღწია გლობალურ ბაზრებამდე. დისკუსია არ ყოფილა იმის შესახებ, გააგრძელებენ თუ არა ნავთობის ექსპორტიორი ქვეყნების ორგანიზაცია და მისი მოკავშირეები წარმოების გაზრდას სექტემბრის შემდეგ.
მოლაპარაკებების წინ, დელეგატებმა განაცხადეს, რომ არ სურდათ მიწოდების გაზრდა, როდესაც ნავთობზე მოთხოვნა შეჩერებულია აშშ-ში რეცესიის საფრთხისა და ჩინეთში Covid-ის ჩაკეტვის საფრთხის გამო. საუდის არაბეთმა გასულ თვეში გაზარდა მოპოვება დღეში 10,78 მილიონ ბარელამდე.
Bloomberg-ის ორიგინალური სტატიის ავტორები: სალმა ელ ვარდანი და გრანტ სმიტი