LIVE

"საქართველოს რკინიგზა" თბილისი-ბათუმის მატარებლებზე ბილეთებს აძვირებს

23 ივლ 202213:40
3 წუთის საკითხავი
clock clock 1118
"საქართველოს რკინიგზა" თბილისი-ბათუმის მატარებლებზე ბილეთებს აძვირებს

"საქართველოს რკინიგზა" თბილისი-ბათუმის მიმართულებით მოძრავ ორსართულიან სამგზავრო მატარებლებზე ტარიფებს ზრდის

25 ივლისიდან თბილისი-ბათუმი-თბილისის მიმართულებაზე ორსართულიანი მატარებლებით მგზავრობის ღირებულება იქნება:

  • მეორე კლასი - 34 ლარი;  
  • პირველი კლასი - 74, 00 ლარი;
  • ბიზნეს კლასი - 124 ლარი;

კომპანიის განცხადების თანახმად, ტარიფის ზრდის მიზეზებს წარმოადგენს ბოლო წლებში მნიშვნელოვნად გაზრდილი ელექტროენერგიის, მატარებლების მოვლა-შენახვის, მასალების და სხვა ხარჯები. ამ დრომდე კომპანია საკუთარი სახსრებით ახორციელებდა სამგზავრო გადაყვანების სუბსიდირებას.  

უცვლელი დარჩა თბილისი-ფოთის, ზუგდიდის, ოზურგეთის და ქუთაისის მიმართულებაზე მოძრავი სამგზავრო მატარებლებით მგზავრობის ღირებულება.  

ძალაში რჩება ყველა შეღავათი მაგისტრალური მიმოსვლის ელექტრომატარებელზე სტუდენტებისთვის, ომის ვეტერანებისა და რკინიგზელებისთვის.

ასევე მოქმედებს საბავშვო ტარიფი (50%-იანი) - 10 წლამდე ასაკის ბავშვებისთვის ყველა კატეგორიის ადგილებზე სამგზავრო მატარებლებში. 5 წლამდე ასაკის ერთი ბავშვი იმგზავრებს უფასოდ მგზავრთან ერთად, თუ იგი არ დაიკავებს ცალკე ადგილს.