უკრაინა ცდილობს, გადადოს საგარეო ვალის დაფარვა და შეცვალოს მთლიანი შიდა პროდუქტის გარანტიების პირობები, რადგან რუსეთის ომი ძირს უთხრის ეკონომიკას.
გამოქვეყნებული რეგულაციების მიხედვით, მთავრობას ობლიგაციების მფლობელებთან შეთანხმება 15 აგვისტომდე სურს. Bloomberg-ის ინფორმაციით, კაბინეტი ობლიგაციების მფლობელებს 20 ივლისს მიმართავს.
განკარგულების თანახმად, უკრაინა მოემსახურება და გამოისყიდის ობლიგაციებსა და მშპ-ის გარანტიებს, თუ ობლიგაციების მფლობელები არ დაეთანხმებიან შემოთავაზებულ ცვლილებებს.
უკრაინის ოფიციალური პირები ვალის რესტრუქტურიზაციას იკვლევენ, რადგან ქვეყნის დაფინანსების ვარიანტები მცირდება და ომი ანადგურებს მის ინდუსტრიას.
ფინანსთა სამინისტროს ინფორმაციით, სექტემბერში ქვეყანას $1,4 მილიარდის საგარეო ვალის დაფარვა და პროცენტის გადახდა მოუწევს. Bloomberg-ის გამოთვლების თანახმად, გადავადებამ შეიძლება დაზოგოს $3 მილიარდი ვალის დაფარვის ხარჯები ორი წლის განმავლობაში.
“გარემოებიდან გამომდინარე, შეფერხება გარდაუვალი იყო. შეთავაზებაზე უარის თქმა ინვესტორებისთვის საშინელი პიარი იქნება”, - ამბობს ვიქტორ საბო, Aberdeen Asset Management-ის ფინანსური მენეჯერი, რომელიც უკრაინული ობლიგაციების მფლობელია.
Bloomberg-ის ორიგინალური სტატიის ავტორი: ვოლოდიმირ ვერბიანი