რუსეთის პრეზიდენტი ვლადიმერ პუტინი დასავლეთს ექსპორტისა და გარიგებების შეჩერებით ემუქრება. ეს კრემლის ყველაზე მკაცრი პასუხია შეერთებული შტატებისა და მოკავშირეების მიერ დაწესებულ სანქციებზე.
პუტინმა ხელი მოაწერა განკარგულებას, რომელიც კრძალავს პროდუქციისა და ნედლეულის ექსპორტს ადამიანებსა და სუბიექტებზე, რომლებიც რუსეთის მიერ სანქცირებულთა სიებში არიან. მსგავსი სიის შესადგენად პუტინმა მთავრობას 10 დღიანი ვადა მისცა.
განკარგულება მოსკოვს ანიჭებს ძალას, შეიტანოს ქაოსი ბაზრებზე, რადგან მას ნებისმიერ მომენტში შეუძლია შეაჩეროს ექსპორტი ან გააუქმოს კონტრაქტები სანქცირებულ სუბიექტებთან ან ფიზიკურ პირებთან.
განკარგულება ადგენს “სპეციალურ საპასუხო ეკონომიკურ ზომებს გარკვეული უცხო სახელმწიფოებისა და საერთაშორისო ორგანიზაციების არამეგობრულ ქმედებებთან დაკავშირებით”.