კომპანია „სარაჯიშვილმა“ რუსეთში ექსპორტი შეაჩერა და ალტერნატიული ბაზრების ძიებაშია. როგორც „ბიზნეს ფორმულას“ კომპანიაში განუცხადევს, თებერვლის შემდეგ რუსეთში პროდუქცია აღარ იგზავნება.
„რუსეთ-უკრაინის ომის პირობებში გართულებული ლოჯისტიკის და კიდევ სხვა პრობლემების გამო, რუსეთში ექსპორტი შევაჩერეთ. აქტიურად ვმუშაობთ ალტერნატივის მოძიებაზე, გამომდინარე იქიდან, რომ ჩვენი ექსპორტის დაახლოებით 20%, სწორედ რუსეთზე მოდიოდა. იმედი გვაქვს, რომ წელს რუსული ბაზრის 10%-ით ჩანაცვლებას მაინც შევძლებთ“,- განაცხადა კომპანიის გაყიდვების სამსახურის ხელმძღვანელმა ალექსანდრე ვაშალომიძე.
ვაშალომიძის განმარტებით „სარაჯიშვილი“ რუსეთის ბაზარზე 5 დასახელების ბრენდით იყო წარმოდგენილი. კომპანიაში უჭირთ დაკონკრეტება დაბრუნდებიან თუ არა რუსეთის ბაზარზე სამომავლოდ.