ცნობილი ქართველი დიზაინერი და Balenciaga-ს კრეატიული დირექტორი დემნა გვასალია პროფესიულ საქმიანობაში მხოლოდ სახელს გამოიყენებს.
The New York Times-ს მოდის მიმართულების დირექტორი, ვანესა ფრიდმანი Twitter-ზე წერს, რომ ამ ნაბიჯით დიზაინერი შემოქმედებით საქმიანობას პირადი ცხოვრებისგან გამოყოფს. მას სურს, რომ პრესაში უბრალოდ დემნას სახელით მოიხსენიონ.
ამის შესახებ ცნობილი Balenciaga-ს 2022 წლის შემოდგომის კოლექციის ჩვენებაზე გახდა.
"დაივიწყეთ 2000-იანები, მეგობრებო. Balenciaga-ს სიახლე არის ის, რომ დემნა (როგორც ახლა მას სურს, რომ მოიხსენიონ) საათს 90-იანი წლების შუა და ბოლო წლებში აბრუნებს", - წერს Vogue დიზაინერისა და ახალი კოლექციის შესახებ.