საქართველოს უმსხვილესი სავაჭრო პარტნიორი $1.48 მილიარდით კვლავ თურქეთია. $1.14 მილიარდით მეორე ადგილზე რუსეთია, რომელსაც $1 მილიარდით ჩინეთი მოსდევს. აღსანიშნავია, რომ 2021 წლის იანვარ-სექტემბერში ამ ქვეყნების წილი საქართველოს მთლიან სავაჭრო ბრუნვაში 37%-ს შეადგენს.
საქსტატის მონაცემებით, მიმდინარე წლის 9 თვეში საქართველომ თურქეთში $233.9 მილიონის პროდუქცია გაყიდა, ხოლო იმპორტმა $1.2 მილიარდს გადააჭარბა.
თურქეთში საექსპორტო პროდუქციის TOP-3 შემდეგია:
- ტრიკოტაჟის ნაწარმი ($48. 3 მლნ)
- ფეროშენადნობები ($34.2 მლნ)
- შავი ლითონები და ჯართი ($23.9 მლნ)
იმპორტირებული პროდუქციის TOP-3 თურქეთიდან:
- ავტომობილები ($52.7 მლნ)
- შავი ლითონების მილები და მილაკები ($36.4 მლნ)
- სამკურნალო საშუალებები ($33.3 მლნ)
რუსეთში მიმდინარე წლის იანვარ-სექტემბერში $426.6 მილიონი პროდუქციაა ექსპორტირებული. იმპორტმა კი $718.7 მილიონი შეადგინა.
საექსპორტო პროდუქციის TOP-3 რუსეთში:
- ფეროშენადნობები (115,6 მლნ)
- ღვინოები ($94.9 მლნ)
- მინერალური და მტკნარი წყლები ($45.5 მლნ)
იმპორტირებული პროდუქციის TOP-3 რუსეთიდან:
- ნავთობი და ნავთობპროდუქტები ( $95.2 მლნ)
- ნავთობის აირები ($68.3 მლნ)
- ხორბალი ($62.4 მლნ)
მესამე უმსხვილეს სავაჭრო პარტნიორ ჩინეთში საქართველოდან $478.2 მილიონის პროდუქციაა ექსპორტირებული. იმპორტის მოცულობამ კი $599.9 მილიონს გადააჭარბა.
საექსპორტო პროდუქციის TOP-3 ჩინეთში:
- სპილენძის მადნები და კონცენტრატები ($395.7 მლნ)
- ძვირფასი ლითონების მადნები ($31.3 მლნ)
- სამედიცინო ხელსაწყოები ($15.2 მლნ)
იმპორტირებული პროდუქციის TOP-3 ჩინეთიდან:
- მანქანები და მექანიზმები გადაადგილების ამოთხრის ან გაბურღვისთვის ($42.4 მლნ)
- ბრტყელი ნაგლინი ნახშირბადიანი ფოლადისაგან ($28.6 მლნ)
- ვაქცინები,სისხლი და იმუნური პროდუქტები ($24.7 მლნ)