დაავადებათა კონტროლის ეროვნული ცენტრის დირექტორის, ამირან გამყრელიძის განცხადებით, ოქტომბერში კლასებში სწავლა აუცილებლად უნდა დაიწყოს.
გამყრელიძის თქმით, საჯარო სკოლების მთლიანი პერსონალის 55% მინიმუმ 1 დოზით არის აცრილი, ხოლო სრულად ვაქცინირებულია 33%. პედაგოგების მინიმუმ ერთი დოზით აცრის მაჩვენებელი 58%-ს შეადგენს, მათგან სრულად აცრილია 36%. ამასთან, კერძო სკოლების პედაგოგებიდან მინიმუმ ერთი დოზით აცრილია 64%, ხოლო სრულად ვაქცინირებულია 44%.
"ოქტომბერში სწავლა აუცილებლად უნდა დაიწყოს და დაავადებათა კონტროლის ეროვნული ცენტრი ადასტურებს მზაობას, რომ საკუთარი კომპეტენციის ფარგლებში ყველაფერი გააკეთოს, რათა სწავლა აღდგეს. სასურველია, სკოლებში აცრის მაჩვენებელი 80% იყო. საუბარია მასწავლებლებსა და ადმინისტრაციულ პერსონალზე",- აცხადებს გამყრელიძე.