მიმდინარე წლის მეორე კვარტალში Amazon-ის მოსალოდნელზე სუსტმა შედეგებმა მისი დამფუძნებლის, ჯეფ ბეზოსის ქონების შემცირება გამოიწვია.
ჯეფ ბეზოსის წმინდა ქონება $13,5 მილიარდით შემცირდა მას შემდეგ, რაც ხუთშაბათს ბაზრის შედეგებმა უპასუხა Wall Street-ის მოლოდინს და წინასწარ განჭვრიტა საცალო ვაჭრობის პანდემიით გამოწვეული გაყიდვების ზრდის დასრულება. შემცირებამ წლიური ქონების 80% გაანადგურა.
Amazon-ის აქციები 7,2%-ით, $3333,18-მდე დაეცა, რაც კომპანიის ყოფილი აღმასრულებელი დირექტორის ქონებას $193,6 მილიარდამდე ამცირებს. Bloomberg-ის მილიარდერთა ინდექსის თანახმად, ის კვლავ რჩება მსოფლიოს უმდიდრეს ადამიანად და დაახლოებით $8 მილიარდით უსწრებს ილონ მასკს.
ეს იყო შერეული კვირა ამერიკელი მილიარდერებისთვის. მიუხედავად იმისა, რომ Google-ის შვილობილი Alphabet-ის მზარდმა შემოსავალმა გაზარდა თანადამფუძნებლების, სერგეი ბრინისა და ლარი პეიჯის წმინდა ღირებულება, Microsoft-სა Facebook-ს არ გამოუწვევია მათი მილიარდერი აქციონერების სიმდიდრის ზრდა.
მარკ ცუკერბერგმა, რომელმაც ერთი კვირა გაატარა Facebook-ის მომავლის ხედვის, ყოვლისმომცველ “მეტავერსიაზე” საუბარში, ხუთშაბათს დაკარგა $5,4 მილიარდი, რადგან სოციალური ქსელის კომპანიის აქციები ბოლო 2 თვის განმავლობაში ყველაზე მეტად დაეცა სარეკლამო გაყიდვების ზრდის შეშფოთების გამო.
Bloomberg-ის ორიგინალური სტატიის ავტორი: დევონ პენდლტონი