ჭადრაკისთვის დიდი წელი იყო. Netflix- ის The Queen’s Gambit წარმატებით გამოწვეული ჭადრაკის პოპულარობა ახლა საცალო ვაჭრობიდან ვებსაიტებსა და სტრიმინგ სერვისებზე ვრცელდება. მაგალითისთვის, Twitch– ის ონლაინ სტრიმინგ პლათფორმის გამომწერების რიცხვი ზრდას მოთამაშეთა შორის ვირტუალური ტურნირების ჩატარებით და მომხარებლებისთვის ჭადრაკის ისეთი დიდოსტატების არხების გამოწერის შესაძლებლობით აგრძელებს, როგორიცაა ჰიკარუ ნაკამურა.
Chess.com– ს 1 მილიონი ახალი წევრი შეემატა მარტში, ხოლო დაახლოებით 2,8 მილიონი ადამიანი მხოლოდ ნოემბერში. ამავე თვეში, 78 მილიონზე მეტი სტანდარტული ჭადრაკის თამაში ჩატარდა lichess-ზე, უფასო ონლაინ ჭადრაკის სერვერზე, რაც გაორმაგებული რაოდენობაა 2019 წლის ნოემბერთან შედარებით.
The Queen’s Gambit-ს შოუს გამოსვლის შემდეგ პირველი 28 დღის განმავლობაში 62 მილიონმა ოჯახმა უყურა, რაც Netflix– ის მინი სერიალებისთვის რეკორდული მაჩვენებელია. შოუს წარმატების გავლენით, სათამაშოების საცალო ვაჭრობის კომპანია Goliath Games- მა ნოემბერსა და დეკემბერში საჭადრაკო ნაკრებების გაყიდვების სწრაფი ზრდა დააფიქსირა, რაც, კომპანიის მარკეტინგის დირექტორის მერი ჰიგბის თქმით, "1,100% -ით მეტია გასული წლის ამ პერიოდთან შედარებით".
მოსალოდნელია, რომ ასეთი ზრდა არ შეინარჩუნებს ტემპს, რადგან Netflix– ის შოუს მიმართ ინტერესი იკლებს, მაგრამ ჯენიფერ შაჰედი, აშშ – ის ორგზის ჩემპიონი და აშშ –ს ჭადრაკის ფედერაციის ამჟამინდელი ქალთა პროგრამის დირექტორი, ამბობს, რომ მისი აზრით, ინტერესი შეიძლება "თაობის ეფექტში" გადაიზარდოს.
პანდემიის დროს პროფესიონალი მოჭადრაკეებისთვის კონტენტის შექმნა ტრადიციული ღონისძიებების ალტერნატივა გახდა.
ანა რუდოლფმა, უნგრელმა ქალმა გრანდმასტერმა, Twitch– ზე პანდემიის დროს საკუთარი არხი რამდენიმე ათას აბონენტამდე გაზარდა და დეკემბრის დასაწყისში რუდოლფის არხს 80 000-ზე მეტი მიმდევარი ყავდა.
FIDE-ს ოსტატი ალექსანდრა ბოტეზი, რომელიც თავის დასთან ერთად BotezLive- ის არხზე კონტენტს ქმნის, ჭადრაკთან დაკავშირებული პროდუქტების იდეების გამოცდას აპირებს. მისი თქმით, 2020-ში აუდიტორიის ყოლა იგივეა, რაც მომხმარებლების ყოლა და ეს ახალ ბიზნეს შესაძლებლოებს იძლევა.
სპორტის უმეტესობისგან განსხვავებით, ჭადრაკის უმაღლეს დონეზე თამაში ინტერნეტით არის შესაძლებელი და როგორც ახალი, ისე ვეტერანი მოთამაშეები ამას იყენებენ. მიუხედავად იმისა, რომ ტრადიციული თამაშები შეიძლება საათები გაგრძელდეს, ონლაინ ჭადრაკის სიჩქარემ მაყურებელში აღფრთოვანება გამოიწვია. როგორც ანა რუდოლფი ამბობს სწრაფი ჭადრაკი ამ სპორტის მომავალია, რადგან ის შეიძლება მედიაპროდუქტი გახდეს. ტრადიციული ჭადრაკისგან გასხვავებით, რომელიც საათები გრძელდება და არავის აქვს დრო ამას უყუროს, სწრაფ ჭადრაკში მოთამაშეები უფრო მეტ შეცდომას უშვებენ და მაყურებლისთვის უფრო მიმზიდველიცაა.
მომავალი, რომელზეც ანა რუდოლფი საუბრობს, წელს ჩვენ უკვე ვნახეთ ინტერნეტით.
Bloomberg-ის ორიგინალური სტატიის ავტორი: რეიჩელ დოტლი