მიმდინარე წლის ოთხ თვეში რუსეთმა ყველაზე მეტი არაყი ყაზახეთში, აზერბაიჯანში და საქართველოში გაყიდა. ზრდის ყველაზე მაღალი მაჩვენებელი კი აზერბაიჯანს აქვს.
კერძოდ, რუსული მედიის ცნობით, იანვარ-აპრილში, რუსეთმა აზერბაიჯანში არყის ექსპორტი ღირებულებაში 55%-ით გაზარდა, ხოლო მოცულობაში 42%-ით - ამ ინფორმაციას ფედერალური ცენტრი "აგროექსპორტი" ავრცელებს.
ჯამურად, წლის პირველ ოთხ თვეში რუსეთმა აზერბაიჯანში 900 ტონა არაყი გაგზავნა 2.2 მილიონი დოლარის ღირებულებით. ეს ბოლო ათწლეულის მაქსიმუმია აზერბაიჯანში გაგზავნილი რუსული არყისთვის - ღირებულებაშიც და მოცულობაშიც.
თუმცა პირველ ადგილს რუსული არყის შესყიდვებით მაინც ყაზახეთი იკავებს, რომელმაც ოთხ თვეში 3.6 მილიონი დოლარის არაყი შეისყიდა, ხოლო მესამე ადგილზეა საქართველო - რომელმაც ოთხ თვეში რუსულ არაყში 1.7 მილიონი დოლარი გადაიხადა.