Signify-ს ხელმოწერის პადები უკვე დანერგილია სელფი მობაილის ყველა მომსახურების ოფისში - აბონენტები მომსახურების პროცესში საჭირო დოკუმენტებზე ხელს ახლა ელექტრონულად აწერენ.
სელფი მობაილი ქართული ტელეკომ ოპერატორია, რომელიც 2024 წლის დეკემბერში Vodafone Group-ის პარტნიორი გახდა. კომპანია დღეს საქართველოში 1.42 მილიონ მომხმარებელს ემსახურება და ოპერირებს 31 მომსახურების ოფისით, სადაც უკვე დანერგილია Signify-ს ხელმოწერის პადები.
მომსახურების პროცესში სელფის ფრონტ ოფისებში ქაღალდის ნაცვლად ამიერიდან ხელი ელექტრონულად ეწერება შემდეგ დოკუმენტებზე:
- სააბონენტო ხელშეკრულება
- პორტირების განაცხადი
- აღდგენის მოთხოვნა
- გადაფორმების მოთხოვნა
- დეტალური ამონაწერის მოთხოვნა
- სხვადასხვა სახის ცნობები
- ნომრის გაუქმების განაცხადი
- მოწყობილობის მიღება-ჩაბარების აქტი
"სელფი მობაილის მიერ Signify-ის პლატფორმის ინტეგრაცია ადასტურებს, რომ ქართული ბაზარი მზადაა და ღიაა ინოვაციებისა და ციფრული ტრანსფორმაციისთვის. ხელმოწერის პადები ამარტივებს ყოველდღიურ ოპერაციებს, ზრდის ეფექტურობასა და მომსახურების ხარისხს 1.4 მილიონი აბონენტისთვის და ხელს უწყობს უფრო მდგრადი და ეფექტური მომავლის შექმნას," ამბობს Signify-ს ბიზნესის განვითარების ხელმძღვანელი, ალექსანდრე ჩხეიძე.
Signify-ის შესახებ
Signify დოკუმენტების მენეჯმენტის ციფრული პლატფორმაა. კომპანია თანამშრომლობს სხვადასხვა სექტორის წამყვან კომპანიებთან და ეხმარება მათ იურიდიული დოკუმენტების ხელმოწერის, დამტკიცებისა და შენახვის პროცესების სამართლებრივად გამართულ და ტექნოლოგიურად ეფექტიან ციფრულ მართვაში.