LIVE

ლარმა დოლართან 2.8 ნიშნული გადალახა და გაუფასურებას აგრძელებს

28 მაი 202412:08
3 წუთის საკითხავი
clock clock 316
ლარმა დოლართან 2.8 ნიშნული გადალახა და გაუფასურებას აგრძელებს

ვიდრე მმართველი პარტია პარლამენტში რუსულ კანონზე პრეზიდენტის ვეტოს დასაძლევად ემზადება, ხოლო კანონის მოწინააღმდეგე მოქალაქეები პარლამენტის გარეთ აპროტესტებენ "ქართული ოცნების" რუსული სტილის კანონს, Bloomberg-ზე ლარი გაუფასურებას აგრძელებს.

ეროვნულმა ვალუტამ დოლართან 2.8-იანი ფსიქსოლოგიური ნიშნული გადალახა და ამ დროისთვის ერთი დოლარი 2.81 ლარად ივაჭრება. სავაჭრო სესია 2.7849-ზე გაიხსნა.

ლარი უფასურდება ევრო-ლარის წყვილშიც. ამ დროისთვის ერთი ევრო 3.06 ლარად ივაჭრება.

რაც შეეხება ამ დროისთვის მოქმედ კურსს სავალუტო ჯიხურებში და მობაილბანკში, ერთი დოლარი დაახლოებით 2.84 - 2.86 ლარი ღირს, ხოლო ერთი ევრო - 3.09 - 3.11 ლარის ფარგლებში იყიდება.