ევროპული საბჭოს 27-ვე ლიდერი უკრაინისთვის 50 მილიარდი ევროს ($55 მილიარდი) დახმარების პაკეტზე შეთანხმდა. ამის შესახებ ევროპული საბჭოს პრეზიდენტმა შარლ მიშელმა განაცხადა.
"შეთანხმება შედგა",- წერს ის X-ზე.
მისი თქმით, შეთანხმება "უკრაინის ურყევ, გრძელვადიან, პროგნოზირებად დაფინანსებას ითვალისწინებს".
We have a deal. #Unity
All 27 leaders agreed on an additional €50 billion support package for Ukraine within the EU budget.
This locks in steadfast, long-term, predictable funding for #Ukraine.
EU is taking leadership & responsibility in support for Ukraine; we know what is…
არსებობდა შიში, რომ უნგრეთის პრეზიდენტი ვიქტორ ორბანი დახმარების პაკეტს დაბლოკავდა, როგორც ეს მან უკვე გააკეთა გასული წლის დეკემბერში გამართულ ევროპულ სამიტზე.
ორბანი აცხადებდა, რომ უკრაინისთვის დახმარების გამოყოფას დათანხმდებოდა მხოლოდ იმ შემთხვევაში, თუ ექნებოდა გარანტია, რომ კიევისთვის "ფულის მიწოდების გაგრძელების გადაწყვეტილება ყოველწლიურად გადაიხედებოდა."
დიპლომატიურმა წყაროებმა Reuters-ს განუცხადეს, რომ ახალი შეთანხმება მოიცავს პაკეტის ყოველწლიურ განხილვას და მისი გადახედვის შესაძლებლობას ორ წელიწადში ერთხელ, "საჭიროების შემთხვევაში".
ევროკომისიის პრეზიდენტმა ურსულა ფონ დერ ლაიენმა განაცხადა, რომ დღეს "ევროპისთვის კარგი დღეა".