LIVE

მაკეშ ამბანი $100 მილიარდის მფლობელთა კლუბს შეუერთდა

12 იან 202419:00
3 წუთის საკითხავი
clock clock 338
მაკეშ ამბანი $100 მილიარდის მფლობელთა კლუბს შეუერთდა

მაკეშ ამბანი $100 მილიარდის მფლობელთა კლუბს შეუერთდა.

ინდოეთის და აზიის უმდიდრესი ადამიანის ქონება $2,8 მილიარდით გაიზარდა და $101,8 მილიარდს მიაღწია. 

66 წლის მილიარდერის ქონების მატება მისი ფლაგმანის, Reliance Industries-ის აქციების 2,6%-ით ზრდას უკავშირდება. კვარტული მოგების შესახებ ინფორმაციის შემდეგ, კომპანიამ ვაჭრობა რეკორდულ მაჩვენებელზე დახურა. ოქტომბერთან შედარებით, კომპანიის აქციების ფასი 22%-ით გაიზარდა.

ამბანი კომპანიის თავმჯდომარეა და მის 42%-ს ფლობს. კონგლომერატი აერთიანებს ისეთ მიმართულებებს, როგორიცაა ენერგეტიკა, ტელეკომუნიკაციები, საცალო ვაჭრობა და სხვა.

საბაზრო ღირებულებით, Reliance Industries ინდოეთის უმსხვილესი კომპანიაა. 

Bloomberg Billionaires Index-ის მიხედვით, გასული წლის ივლისის შემდეგ, ის $100 მილიარდის მფლობელთა კლუბს პირველად უბრუნდება. ყველაზე მდიდარი 500 ადამიანის სიაში მაკეშ ამბანი მე-12 ადგილს იკავებს.