LIVE

EU-ში რეკლამისგან თავისუფალი Facebook-ი და Instagram-ი შესაძლოა ფასიანი გახდეს

03 ოქტ 202319:00
3 წუთის საკითხავი
clock clock 480
EU-ში რეკლამისგან თავისუფალი Facebook-ი და Instagram-ი შესაძლოა ფასიანი გახდეს

ევროკავშირში მომხმარებლებს რეკლამისგან თავისუფალი Facebook-ისა და Instagram-ისთვის შესაძლოა თანხის გადახდა მოუწიოთინფორმაციას Reuters-ი საკითხთან დაახლოებულ წყაროებზე დაყრდნობით ავრცელებს. აღნიშნულის საფუძველი ევროკავშირის მარეგულირებლის მიერ მომხმარებელთა პირადი მონაცემების დაცვის მუდმივი მოთხოვნა გახდა.

კერძოდ, რეკლამებისგან თავისუფალი Meta-ს პლატფორმების გადასახადი მობილური ვერსიებისთვის 13 ევრო იქნება, ხოლო დესკტოპის ვერსიებისთვის - 10 ევრო; Meta-ს განმარტებით, მობილური ვერსიებისთვის ფასი შედარებით მაღალია, რადგან კომპანიას Apple-სა და Google-ის App Store-ებისთვის დამატებითი თანხის გადახდა მოუწევს. 

ამას გარდა, იარსებებს უფასო ვერსიაც, რაც გულისხმობს, რომ მომხმარებლები თავიანთი სურვილით არჩეულ, პერსონალიზებულ რეკლამებს მიიღებენ.

Meta-ს აღნიშნულ გადაწყვეტილებას წინ უძღოდა ევროკავშირის მარეგულირებლის მოთხოვნა, არ ესარგებლათ ტექნოლოგიურ კომპანიებს მომხმარებელთა პირადი მონაცემებით. 

ცნობისთვის, Meta და Google-ი თავიანთ მომხმარებლებს მარკეტინგული მიზნებით რეკლამებს მათივე აქტივობიდან გამომდინარე უგზავნიან. ამ მიზეზით, მიმდინარე წელს ირლანდიის მარეგულირებელმა Meta 390 მილიონი ევროთი დააჯარიმა.