![საქართველოს და პერუს უვიზო მიმოსვლა ექნებათ](/uploads_script/articles/2023/09/19/hpt50u8xso0zyur.jpg)
18 სექტემბერს საქართველოსა და პერუს რესპუბლიკას შორის უვიზო მიმოსვლის შესახებ შეთანხმება გაფორმდა.
გაეროს გენერალური ასამბლეის 78-ე სესიის ფარგლებში გამართულ შეხვედრაზე, შეთანხმებას ხელი საგარეო საქმეთა მინისტრმა ილია დარჩიაშვილმა და პერუს საგარეო უწყების ხელმძღვანელმა ანა სესილია გერვასმა მოაწერეს.
საგარეო საქმეთა სამინისტროს მიერ გავრცელებული განცხადებით, ნიუ-იორკში გამართულ შეხვედრაზე მხარეებმა განიხილეს ორმხრივი და მრავალმხრივი დღის წესრიგის აქტუალური საკითხები და სამომავლო პერსპექტივები.