სამხრეთ კორეის მთავრობა, შობადობის ზრდის ხელშეწყობის მიზნით, ახალბედა მშობლებს იპოთეკური სესხებისთვის ხელსაყრელ საპროცენტო განაკვეთს სთავაზობს. სახელმწიფო აქტიურად ებრძვის საზოგადოების დაბარებასა და შობადობის კლებას.
გავრცელებული ინფორმაციის მიხედვით, საშეღავათო პროგრამა, 1.5-დან 3.3%-მდე საპროცენტო განაკვეთით, 5-წლიანი იპოთეკური სესხის აღებას გულისხმობს. ეს შეთავაზება 1-დან 3 პროცენტული პუნქტით ნაკლებია, ვიდრე კომერციული ბანკების მიერ შეთავაზებული პროცენტი. შეღავათებით სარგებლობა იმ წყვილებს შეუძლიათ, რომლებსაც ბავშვი ბოლო ორი წლის განმავლობაში შეეძინათ და ერთობლივად წელიწადში $98 200-ს ან ნაკლებს გამოიმუშავებენ.
იმ მშობლებს, რომლებიც უკვე სარგებლობენ ამ შეღავათით, მეორე შვილის გაჩენის შემთხვევაში, საპროცენტო განაკვეთი შეუმცირდებათ, ხოლო სესხის ვადა 5 წლით გაუხანგრძლივდებათ.
კანონმდებლები ცდილობენ მოსახლეობას შეღავათები შესთავაზონ იმ ფონზე, როცა ცენტრალური ბანკი საორიენტაციო განაკვეთს, შეზღუდულ 3.5%-ზე ინარჩუნებს.
სამხრეთ კორეას უკვე წლებია, რაც მსოფლიოში ერთ-ერთი ყველაზე დაბალი შობადობის მაჩვენებელი აქვს. ქვეყნის მოსახლეობის ის ნაწილი, ვისაც შვილის გაჩენა არ სურს, მთავარ მიზეზად სწორედ საცხოვრებელი სახლების მზარდ ფასებს ასახელებს.