LIVE

Imagine Dragons-ის კონცერტის ბილეთების გაყიდვა იწყება - ბილეთების ფასი 100-დან 1000 ლარამდეა

11 მაი 202311:47
3 წუთის საკითხავი
clock clock 4936
Imagine Dragons-ის კონცერტის ბილეთების გაყიდვა იწყება - ბილეთების ფასი 100-დან 1000 ლარამდეა

Imagine Dragons-ის კონცერტის ბილეთების გაყიდვა დღეს იწყება. 

Black Sea Arena-ს თანახმად, ბილეთების ფასი 100 ლარიდან 1000 ლარამდე მერყეობს. ამასთან, სხვადასხვა სექტორში ბილეთები 150, 200, 250, 300, 400, 430 ლარი ღირს.

TKT.GE-ზე ბილეთების შეძენა დღეს 16:00 საათიდან იქნება შესაძლებელი. Star Ring-ის ფეხზე დასადგომი ბილეთების განსაზღვრული რაოდენობა ასევე შეგიძლიათ შეიძინოთ BSA.ge-ზე. 

ერთ ადამიანს მაქსიმუმ ოთხი ბილეთის შეძენა შეუძლია. 

კონცერტი კამპანია Starring Georgia-ს ფარგლებში 31 აგვისტოს თბილისში მიხეილ მესხის სახელობის სტადიონზე გაიმართება. ღონისძიება 21:00 საათზე იწყება. სტადიონის კარი 17:00 საათზე იხსნება.

Starring Georgia არის Black Sea Arena-ს კამპანია, რომლის მიზანი ქვეყნის პოპულარიზაცია, საქართველოს ტურისტული, ეკონომიკური და კულტურული პოტენციალის გაძლიერებაა. კამპანიის ფარგლებში, 5-დან 31 აგვისტოს ჩათვლით, თბილისში, შეკვეთილსა და სხვა ლოკაციებზე 6 კონცერტია დაგეგმილი. 

ღონისძიებების ჩატარების დრო და ადგილი ცნობილია: 

Nile Rodgers & Chic – 5 აგვისტო, Black Sea Arena, Front Stage; 

FKJ – 6 აგვისტო, Black Sea Arena, Front Stage; 

Damian Lazarus – 10 აგვისტო, The Social Space; 

The Killers – 15 აგვისტო, Black Sea Arena; 

All Day I Dream – 18 აგვისტო, The Social Space; 

Imagine Dragons – 31 აგვისტო, Mikheil Meskhi Stadium.

საქართველოს პრემიერ-მინისტრმა, ირაკლი ღარიბაშვილმა გასულ თვეში განაცხადა, რომ ვარსკვლავების კონცერტისთვის ბიუჯეტიდან 70 მილიონი ლარი გამოიყოფა, თუმცა ქვეყანა ამ ღონისძიებებით მინიმუმ 100 მილიონის შემოსავალს მიიღებს.