LIVE

Toyota-მ სანქტ-პეტერბურგის ქარხანა რუსეთს გადასცა

01 აპრ 202317:00
3 წუთის საკითხავი
clock clock 271
Toyota-მ სანქტ-პეტერბურგის ქარხანა რუსეთს გადასცა

იაპონური ავტომწარმოებელი კომპანია Toyota სანქტ-პეტერბურგის ქარხანას რუსეთის სახელმწიფოს ქვეშ არსებულ გაერთიანება NAMI-ის გადასცა. ამრიგად, უკრაინაში დაწყებული ომის შემდეგ რუსულ ბაზარს კიდევ ერთი უცხოური ავტომწარმოებელი ტოვებს. 

“Toyota-ს საწარმოო ობიექტი სანქტ-პეტერბურგში სახელმწიფოს გადაეცა”, - ნათქვამია რუსეთის მრეწველობისა და ვაჭრობის სამინისტროს განცხადებაში. 

Toyota-მ ჯერ კიდევ გასულ სექტემბერს განაცხადა, რომ მას გადაწყვეტილი ჰქონდა ავტომობილების წარმოების შეჩერება რუსეთში: “Toyota ადასტურებს, რომ ავტომობილების ქარხანა რუსულ კომპანია NAMI-ის გადაეცა”,- განაცხადა იაპონურმა ფირმამ. 

აღნიშნული ქარხანა Camry-სა და RAV4-ის მოდელებს რუსეთში 2005 წლიდან აწარმოებდა. 2021 წელს ქარხანაში 80 000-ზე მეტი ავტომანქანა დამზადდა. 

აქამდე NAMI-მ, როგორც რუსეთის ავტომობილებისა და ძრავების კვლევებისა და განვითარების ცენტრალურმა ინსტიტუტმა რუსეთში, უკვე გადაიფორმა Renault-სა და Nissan-ის ქარხნები. 

ფრანგულმა Renault-მა თავისი წილების უდიდესი ნაწილი რუსულ კომპანია Avtovaz-ს სიმბოლურ ფასად, სულ რაღაც 1 რუბლად მიჰყიდა. Nissan-ის აქტივებში NAMI-მ ასევე ერთი ევრო გადაიხადა.