2022 წელს რუსმა მოგზაურებმა საქართველოში $891 მილიონი დახარჯეს - სებ

ეროვნული ბანკის მონაცემებით, 2022 წელს საქართველომ საერთაშორისო მოგზაურებიდან 3 მლრდ 517 მლნ დოლარის შემოსავალი მიიღო. აღსანიშნავია, რომ ტურიზმიდან შემოსავლებით რუსეთი ლიდერობს. იანვარი-დეკემბრის სტატისტიკა აჩვენებს, რომ რუსმა მოგზაურებმა ქვეყანაში 891 მლნ დოლარი დახარჯეს. მეორე პოზიციაზე იყო თურქეთი 399.4 მლნ დოლარით.

2022 წელს საერთაშორისო მოგზაურობიდან მიღებული შემოსავლები ქვეყნების მიხედვით ასე ნაწილდება:

• რუსეთი - 891 მლნ დოლარი;
• თურქეთი - 399.4 მლნ დოლარი;
• ევროკავშირის ქვეყნები და დიდი ბრიტანეთი - 333 მლნ დოლარი;
• უკრაინა - 282.3 მლნ დოლარი;
• ისრაელი - 270.5 მლნ დოლარი;
• ბელარუსი - 244.2 მლნ დოლარი;
• საუდის არაბეთი - 159.8 მლნ დოლარი;
• სომხეთი - 156.1 მლნ დოლარი;
• აზერბაიჯანი - 100.4 მლნ დოლარი;
• ირანი - 91.1 მლნ დოლარი;
• დანარჩენი ქვეყნები - 589 მლნ დოლარი.

აღსანიშნავია, რომ არ ხდება მიგრანტების ტურისტებისგან გამიჯვნა. შესაბამისად, უკრაინაში დაწყებული ომის გამო საქართველოში შემოსული რუსეთისა და ბელარუსის მოქალაქეები ტურიზმის სტატისტიკაში ხვდებოდნენ.