LIVE

Estee Lauder-ის მიერ Tom Ford-ის ყიდვის შემდეგ, ტომ ფორდი მილიარდერი გახდა

17 ნოე 202219:00
3 წუთის საკითხავი
clock clock 160
Estee Lauder-ის მიერ Tom Ford-ის ყიდვის შემდეგ, ტომ ფორდი მილიარდერი გახდა

Estee Lauder-ის მიერ Tom Ford-ის $2.8 მილიარდად ყიდვის შემდეგ, დიზაინერი ტომ ფორდი მილიარდერთა კლუბს შეუერთდა. 

ამ გარიგებით, 61 წლის ტომ ფორდი გადასახადების გამოკლებით, $1.1 მილიარდზე მეტს მიიღებს. საკითხში გარკვეული ადამიანების თქმით, გარდა იმისა, რომ ფორდი კომპანიის წილების უდიდესი ნაწილის, თითქმის 64%-ის მესაკუთრე იყო, ის ფლობდა კოსმეტიკური საშუალებების, სუნამოებისა და სათვალეების ლიცენზიებს. 

"ამ გარიგებით ბედნიერი ვერ ვიქნებოდი Estee Lauder-ის კომპანიები ბრენდისთვის იდეალური თავშესაფარი რომ არ იყოს. მჯერა, რომ ბრენდი გააგრძელებს არსებობას, როგორც ძვირადღირებული კომპანია, რომელიც ცდილობს შექმნას მხოლოდ უმაღლესი ხარისხის ტანსაცმელი და სათვალე", - აცხადებს ფორდი. 

გარიგება, სავარაუდოდ, მომავალი წლის პირველ ნახევარში, მარეგულირებელი ორგანოების დამტკიცების შემდეგ, დასრულდება. ფორდი 2023 წლის ბოლომდე ტომ ფორდი ბრენდის კრეატიულ დირექტორად რჩება.  

დიზაინერმა ბრენდი 2005 წელს, Gucci-ის კრეატიული დირექტორობიდან გადადგომის შემდეგ დააარსა.