ბიტკოინის ფასი 2020 წლის შემდეგ ყველაზე მეტად დაეცა

კრიპტოვალუტების ფასის დღევანდელმა კლებამ ბიტკოინი 2020 წლის შემდეგ ყველაზე დაბალ ნიშნულამდე ჩამოიყვანა. უდიდესი ტოკენი მონეტარული პოლიტიკის სავარაუდო გლობალური გამკაცრების ტალღის მოლოდინში, დღეს 7.4%-ით შემცირდა და ლონდონში დილის 07:45 საათზე $18,300 შეადგინა.   

ეთერიუმის ფასი 6.2%-მდე შემცირდა. მას $1300-იანი ნიშნულის შენარჩუნებისთვის ბრძოლა მოუწია. კიდევ უფრო მძიმე დანაკარგები ჰქონდათ ისეთ ტოკენებს, როგორებიცაა XRP და Polkadot. 

ინვესტორები ცვლილებებისთვის ემზადებიან, რამდენადაც, სავარაუდოდ, ამ კვირაში, ფასების ზრდის დასაპირისპირებლად, აშშ-ის ფედერალური სარეზერვო სისტემა რეფინანსირების განაკვეთს მნიშვნელოვნად გაზრდის. 

ივნისის შუა რიცხვებიდან ეთერიუმის მნიშვნელოვანი ზრდა, რომელიც სისტემის განახლებით იყო გამოწვეული, შეჩერდა.  

ყველაზე დიდი ვარდნა ჰქონდა XRP-ს, რომელიც 13.5%-ით შემცირდა იმ ფონზე, როცა Ripple Labs და აშშ-ის ფასიანი ქაღალდების და ბირჟის კომისია (SEC) დაუყოვნებლივ გადაწყვეტილებას ითხოვენ Ripple-თან ასოცირებული ტოკენის, XRP-ის სასამართლო საქმეზე. მარეგულირებელმა კომპანიის ორ აღმასრულებელს კრიპტოვალუტა XRP-ის გაყიდვის წესების დარღვევისთვის უჩივლა. 

ციფრული ტოკენების საბაზრო ღირებულება ბოლო 24 საათის განმავლობაში $70 მილიარდზე მეტად შემცირდა და $941 მილიარდი შეადგინა, რაც მნიშვნელოვნად ჩამორჩება 2021 წელს დაფიქსირებულ $3-ტრილიონიან პიკურ მაჩვენებელს.

Bloomberg-ის ორიგინალური სტატიის ავტორები: ჯოანა ოსინჯერი და სიდჰარტა შუკლა