დღეს გამართულ ეროვნული ბანკის სავალუტო აუქციონზე სებ-მა 32 305 000 აშშ დოლარი გაყიდა. საშუალო შეწონილმა გაცვლითმა კურსმა 2.8983 შეადგინა. ეროვნული ბანკის განცხადებით, აუქციონზე გასაყიდად 40 მლნ აშშ დოლარი გამოიტანეს.
შეგახსენებთ, 17 აგვისტოს სავალუტო აუქციონზე ეროვნულმა ბანკმა 8 305 000 აშშ დოლარი გაყიდა.
ცნობისთვის, 24 მაისიდან 10 აგვისტოს ჩათვლით, ეროვნულმა ბანკმა სავალუტო აუქციონზე ჯამში 80 მლნ აშშ დოლარი შეისყიდა. 10 აგვისტოს აუქციონზე სებ-მა წლის განმავლობაში ყველაზე დიდი მოცულობის თანხა, 40 მლნ აშშ დოლარი იყიდა.
2019 წლის 7 ივნისიდან 2022 წლის 24 მაისის პერიოდში ეროვნულ ბანკს დოლარი არ უყიდია.